Dugni leitar eftir fúsum, ágrýtnum og arbeiðssomum fyritíðarpensjónistum, sum hava hug at vera partur av einum virknum og gevandi arbeiðsfelagsskapi.

Vit hava deildir kring landið, og tørvur er á arbeiðsmegi á fleiri deildum. Tí eru vit altíð áhugað í at hoyra frá fólki, sum ynskja at arbeiða nakrar tímar um vikuna.

Um starvið

Arbeiðsuppgávurnar eru fjølbroyttar og kunnu fevna um:

· Uppgávur í Tinghúsinum

· Seymi- og hondarbeiðsuppgávur

· Goymsluuppgávur

· Vaski- og reingerðaruppgávur

· Aðrar fyrifallandi uppgávur eftir tørvi

Arbeiðið verður tillagað eftir førleikum, royndum og áhuga hjá tí einstaka.

Vit vænta, at tú:

· Ert fús/ur at taka hond í ymiskum arbeiðsuppgávum

· Ert ágrýtin og álítandi

· Dugir at arbeiða sjálvstøðugt og saman við øðrum

· Hevur ein jaligan hugburð og gott arbeiðslag

Vit bjóða:

· Eitt gott og inkluderandi arbeiðsumhvørvi

· Fjølbroyttar og gevandi arbeiðsuppgávur

· Møguleika at vera partur av einum arbeiðsfelagsskapi við týdningarmiklum samfelagsligum endamáli

· Arbeiðstíð eftir nærri avtalu

· Eitt fíggjarligt ískoyti til fyritíðarpensjónina

Hevur tú hug at gerast partur av Dugna, ert tú vælkomin at seta teg í samband við okkum. Umsóknarblað liggur á heimasíðuni hjá okkum www.dugni.fo